Oli McBurnie, leikmaður Sheffield United, traðkaði á stuðningsmanni Nottingham Forest í látunum eftir leik liðanna í umspili ensku B-deildarinnar í gær.
Forest kom sér í úrslit umspilsins eftir vítakeppni en Bryce Samba varði þrjár vítaspyrnur og tryggði þannig liði sínu áfram.
Eftir leikinn ætlaði allt um koll að eyra. Stuðningsmenn Forest stormuðu inn á völlinn og kom upp skelfilegt atvik er einn stuðningsmaður félagsins skallaði Billy Sharp, leikmann Sheffield United.
Stuðningsmaðurinn var handtekinn í kjölfarið en mikil læti voru á vellinum.
Nú er myndband í dreifingu af skoska landsliðsmanninum Oli McBurnie en hann sést þar traðka á stuðningsmanni Forest en ekki er vitað hvað átti sér stað í aðdragandanum. Hér fyrir neðan má sjá stutta klippu af því er McBurnie traðkar á honum.
OLI MCBURNIE STOMPING ON A NOTTINGHAM FOREST FAN WHILST HES ON THE FLOOR!#nffc #sufc #olimcburnie #EFLPlayOffs @NFFC @SkySports @SheffieldUnited pic.twitter.com/ZsDy0tPfVp
— Dat White Kidd🦹🏻♂️. (@brokenkingmusic) May 18, 2022
Athugasemdir