„Myndi ekki hleypa Salah nálægt leikvangnum“

Wayne Rooney segir að Mohamed Salah hafi sýnt eigingirni og að Arne Slot eigi að skilja hann eftir utan hóps í lokaumferðinni, þegar Liverpool mætir Brentford á Anfield.

Salah sendi óvænt frá sér yfirlýsingu á samfélagsmiðlum um helgina og er litið á hana sem gagnrýni á Slot. Yfirlýsingin kom eftir 4-2 tap gegn Aston Villa en hætta er á að Liverpool missi af Meistaradeildarsæti.

Salah gagnrýndi leikstílinn og sagðist vilja sjá Liverpool spila þungarokksboltann sem þeir voru þekktir fyrir undir stjórn Jurgen Klopp.

„Það að við séum að tapa enn einum leiknum á þessu tímabili er ótrúlega sársaukafullt og ekki það sem stuðningsmennirnir verðskulda. Ég vil sjá Liverpool fara aftur í þetta þungarokks sóknarlið sem mótherjarnir óttuðust og verða aftur að liði sem vinnur titla. Það er fótboltinn sem ég þekki og kann að spila, og þurfum við að endurheimta það auðkenni og ekki sleppa því. Þetta er ekkert samningsatriði og allir sem ganga í raðir félagsins verða að aðlagast því," skrifaði Salah meðal annars.