Tekur á móti gömlu lærisveinunum í Kórnum í kvöld

HK fær Njarðvík í heimsókn í stórleik kvöldsins í Lengjudeildinni. Gunnar Heiðar Þorvaldsson tók við HK í vetur eftir að hafa stýrt Njarðvíkingum í tæp þrjú ár.

Með honum fylgdu aðstoðarþjálfarinn Arnar Freyr Smárason og styrktarþjálfarinn Sigurður Már Birnisson frá Njarðvík. Þá sótti Gunnar Heiðar jafnframt framherjann Dominik Radic og bakvörðinn Svavar Örn Þórðarson í Kórinn frá Njarðvík í vetur.

Þá þekkir aðstoðarþjálfari Njarðvíkur, Halldór Geir Heiðarsson (Donni), HK vel en hann var aðstoðarmaður Hermanns Hreiðarsonar í Kórnum á síðasta tímabili.

Bæði lið féllu úr leik í bikarnum í síðustu viku. HK tapaði gegn Íslandsmeisturum Víkings, 2-0. En Njarðvík tapaði 5-2 í Mosfellsbæ gegn Aftureldingu.

Lengjudeild karla
19:15 Fylkir-ÍR (tekk VÖLLURINN)
19:15 HK-Njarðvík (Kórinn)
19:15 Þróttur R.-Leiknir R. (AVIS völlurinn)
19:15 Grótta-Afturelding (Vivaldivöllurinn)