Sjáðu mörkin: Dramatískur sigur Portúgals
Conceicao fagnar dramatísku sigurmarki
Mynd: EPA
Conceicao fagnar dramatísku sigurmarki
Mynd: EPA
Síðasti leikur fyrstu umferðarinnar í riðlakeppninni á EM í Þýskalandi fór fram í kvöld þegar Portúgal og Tékkland áttust við.
Það var frekar bragðdaufur fyrri hálfleikur en Tékkar komust yfir þegar Lukas Provod skoraði með skoti fyrir utan vítateiginn. Þetta var 18. markið sem er skorað fyrir utan vítateiginn á mótinu til þessa.
Robin Haranc varnarmaður Tékka varð síðan fyrir því óláni að skora sjálfsmark.
Diogo Jota og Francisco Conceicao komu inn á sem varamenn og áttu eftir að láta til sín taka. Jota kom boltanum í netið þegar skammt var til loka venjulegs leiktíma en markið var dæmt af þar sem Cristiano Ronaldo var rangstæður í aðdragandanum.
Það stefndi allt í jafntefli þangað til Conceicao skoraði og tryggði Portúgal stigin þrjú með marki í uppbótatíma. Sjáðu öll mörkin hér fyrir neðan.
Dramatík í Leipzig!?? Dramatískt sigurmark Portúgala eftir að Tékkar höfðu komist yfir?????????????????? pic.twitter.com/KzKAZSZAil
— RÚV Íþróttir (@ruvithrottir) June 18, 2024
