sun 18. júlí 2021 20:30
Elvar Geir Magnússon
Lið 12. umferðar - Davíð og Sigurður í fjórða sinn
Lengjudeildin
Aron Elí og Birkir Már Sævarssynir eftir sigur Aftureldingar gegn Víkingi Ólafsvík.
Aron Elí og Birkir Már Sævarssynir eftir sigur Aftureldingar gegn Víkingi Ólafsvík.
Mynd: Raggi Óla
Daniel Osafo-Badu.
Daniel Osafo-Badu.
Mynd: Fótbolti.net - Hafliði Breiðfjörð
12. umferð Lengjudeildar karla lauk í gær en stórleikur umferðarinnar var viðureign tveggja efstu liðanna á fimmtudag. Fram og ÍBV gerðu 1-1 jafntefli í spennandi leik.

Halldór Páll Geirsson, markvörður ÍBV, var virkilega öflugur og var valinn maður leiksins. Indriði Áki Þorláksson skoraði mark Fram í leiknum og eru þeir tveir í úrvalsliði umferðarinnar.

Kórdrengir eru aðeins einu stigi frá öðru sæti en liðið vann mikilvægan 1-0 útisigur gegn Selfossi þar sem Davíð Þór Ásbjörnsson skoraði sigurmarkið og er hann í úrvalsliðinu í fjórða sinn. Þorsteinn Daníel Þorsteinsson, leikmaður Selfyssinga, var valinn maður leiksins.



Grindavík er í fjórða sæti en liðið gerði 2-2 jafntefli gegn Þór eftir að hafa lent tveimur mörkum undir. Grindavík hefur nú gert fimm jafntefli í röð. Birgir Ómar Hlynsson varnarmaður Þórs var valinn maður leiksins en Sigurður Bjartur Hallsson skoraði jöfnunarmark Grindvíkinga og er einnig í úrvalsliðinu.

Vestri vann nauman sigur gegn Þrótti í fyrsta leik sínum undir stjórn Jóns Þórs Haukssonar. Daniel Osafo-Badu var valinn maður leiksins og er í úrvalsliðinu en Þróttarar eru áfram í fallsæti.

Ágúst Gylfason er þjálfari umferðarinnar en Grótta vann 2-1 sigur gegn Fjölni og er þetta þriðji sigurleikur Gróttumanna í röð. Sigurvin Reynisson var maður leiksins. Þessi lið eru nú jöfn að stigum í 6. og 7. sæti.

Þá slátraði Afturelding botnliði Víkings Ólafsvík 6-1. Aron Elí Sævarsson var maður leiksins. Mark og þrjár stoðsendingar er ágætis dagsverk fyrir bakvörðinn sókndjarfa. Sóknarmaðurinn vinnusami Arnór Gauti Ragnarsson skoraði tvívegis fyrir Aftureldingu.

Sjá einnig:
Úrvalslið 11. umferðar
Úrvalslið 10. umferðar
Úrvalslið 9. umferðar
Úrvalslið 8. umferðar
Úrvalslið 7. umferðar
Úrvalslið 6. umferðar
Úrvalslið 5. umferðar
Úrvalslið 4. umferðar
Úrvalslið 3. umferðar
Úrvalslið 2. umferðar
Úrvalslið 1. umferðar
Stöðutaflan
  L U J T ms: mf: mun Stig
0 0 0 0 0 0 0 0 0
Athugasemdir
banner
banner
banner
banner