Víkingar spila í Bestu á milli Evrópuleikjanna en stórleikurinn gegn KR færður

Víkingur hefur fengið frestun á stórleik sínum gegn KR í Bestu deildinni. Leiknum verður seinkað um tvo daga vegna þátttöku Víkings í umspili um sæti í Sambandsdeildinni. KSÍ hefur staðfest breytinguna.

Venjan hefur verið síðustu ár að liðin í Evrópu fái að færa leiki sem eru á milli leikjanna í 1. og 4. umferð Evrópukeppnanna til að minnka leikjaálagið. Í ár spilaði Víkingur gegn Stjörnunni 26. maí og spiluðu þau því ekki deildarleik aðra helgina í júlí þegar spilað var í Bestu deildinni.

Á milli leikjanna gegn Borac Banja Luka í umspilinu í Sambandsdeildinni mætir Víkingur liði Vals á heimavelli. KSÍ var búið að færa þann leik af 23. ágúst og fram til 2. september. Það var hins vegar hætt var við þá færslu og verður sá leikur spilaður næsta sunnudagskvöld á Víkingsvelli eins og upprunalega var gert ráð fyrir.

Víkingur spilar því á heimavelli í Sambandsdeildarumspilinu á fimmtudag og á heimavelli í Bestu deildinni á sunnudag áður en ferðast verður í útileikinn mikilvæga gegn Borac.

Í Sambandsdeildarumspilinu er mikið undir, háar fjárhæðir eru í boði fyrir að komast í Sambandsdeildina og markmið Víkings er að komast í sjálfa deildina.