„Ég var nokkuð ánægður með liðið.'' segir Jón Stefán Jónsson, íþróttafulltrúi Þórs, eftir 2-3 sigur gegn Þrótt R. í loka umferð tímabilsins í Lengjudeildinni.
Lestu um leikinn: Þróttur R. 2 - 3 Þór
„Mér fannst við byrja rólega svo fannst mér við frábærir á köflum í seinni hálfleik. Við nutum þess í dag að spila fótbolta, sem hefur vantað aðeins.''
Jón Stefán var spurður hvort hann væri sáttur með 9. sæti í deildinni.
„Nei, ég væri nú að ljúga því ef ég væri sáttur með það. Við ætluðum okkar miklu stærri hluti en það og félag eins og Þór á bara að vera ofar í deildinni.''
„Markmiðið hjá okkur er að vera í efstu deild. Við erum búnir að vera nógu lengi í þessari deild.''
Spurt var Jón Stefán um hvort hann hafi einhvern áhuga á að taka við sem aðalþjálfari Þór fyrir næsta tímabil.
„Ég væri að ljúga ef ég hefði ekki áhuga á því, en ég er íþróttafulltrúi hjá félaginu og ég sé ekki að það gangi upp. Ekki nema ef ég myndi hætta hinu og ég er í góðu starfi núna.''
Hægt er að horfa á allt viðtalið í heild sinni fyrir ofan
Athugasemdir