Southampton átti að spila úrslitaleik umspils Championship deildarinnar við Hull City næsta laugardag en hefur verið dæmt úr leik.
Southampton sló Middlesbrough úr leik í undanúrslitum umspilsins en þau úrslit hafa verið ógilduð og því fer Middlesbrough í úrslitaleikinn gegn Hull þar sem í húfi er sæti í úrvalsdeildinni. Talað er um leikinn sem þann verðmætasta í fótboltanum.
Njósnari frá Southampton var gripinn við að taka myndband af æfingu hjá Middlesbrough fyrir undanúrslitaleik liðanna í umspilinu og var hrint rannsókn af stað.
09.05.2026 07:30
Kæra Southampton fyrir njósnir
Southampton viðurkenndi ýmis brot á reglum ensku neðrideildanna (EFL) þar sem félagið hefur í gegnum tíðina njósnað ólöglega um fleiri æfingar heldur en þessa einu æfingu hjá Middlesbrough á dögunum.
Sérstök regla gerir það refsivert hjá félagsliðum að fylgjast með æfingum andstæðinga sinna innan við 72 klukkustundum fyrir upphafsflautið.
13.05.2026 15:16
Birta mynd af njósnaranum - Faldi sig bak við tré
Stjórn ensku neðrideildanna ákvað því að dæma Southampton úr leik í umspilinu og byrjar liðið næstu leiktíð í Championship-deildinni með fjögur refsistig.
Southampton viðurkenndi að hafa njósnað ólöglega fyrir leiki gegn Oxford United í desember, Ipswich Town í apríl og svo gegn Middlesvbrough í maí.
Southampton hefur áfrýjunarrétt sem gæti tafið framkvæmd úrslitaleiks umspilsins.
15.05.2026 15:05
„Eina ásættanlega niðurstaðan að Southampton verði dæmt úr leik“
