Atletico Madrid hefur hafnað tilboði Chelsea í framherjann Samu Omorodion samkvæmt heimildum The Athletic.
Þar kemur fram að tilboðið hafi hljóðað upp á rúmlega 27 milljónir punda.
Omorodion er tvítugur framherji sem gekk til liðs við Atletico frá Granada síðasta sumar en hann var á láni hjá Alaves á síðustu leiktíð. Hann skoraði níu mörk og lagði upp eitt fyrir Alaves.
Chelsea er með marga sóknarmenn í sigtinu en komið hefur fram að liðið hafi m.a. áhuga á Jhon Duran leikmanni Aston Villa.
Athugasemdir