Alfreð: Alltaf séns þegar munurinn er bara eitt mark

Alfreð Finnbogason reyndist í dag hetja Augsburg þegar hann jafnaði gegn Bayern Munchen þegar skammt var til leiksloka.

Alfreð byrjaði á varamannabekknum en kom inn á þegar um 20 mínútur lifðu leiks.

„Þetta er fótbolti, Bayern voru auðvitað aðeins betri í leiknum en þegar þeir klára ekki leikinn og munurinn er bara eitt mark þá er alltaf séns," sagði Alfreð eftir leik.

„Sergio gerði mjög vel og ég þurfti að giska hvar boltinn myndi koma og það heppnaðist í þetta skiptið."