Diljá meistari annað árið í röð - Emelía hetjan í Danmörku

Diljá Ýr var í byrjunarliði Brann sem vann öruggan 4-1 útisigur á Lilleström, en í kjölfarið varð ljóst að Brann væri norskur meistari eftir að Álasund hafði tapað stigum í gær.

Brenna Lovera, fyrrum leikmaður ÍBV og Selfoss, skoraði tvö marka Brann í leiknum, en bæði hún og Diljá fóru af velli þegar um tuttugu mínútur voru til leiksloka.

Með sigrinum komst Brann í 54 stig og hefur nú fjögurra stiga forskot á toppnum þegar aðeins ein umferð er eftir. Brann hefur því tryggt sér meistaratitilinn annað árið í röð.

Diljá og stöllur hennar eru vel að titlinum komnar, en þetta er fjórði deildarmeistaratitill Brann frá árinu 2021.

Framherjinn byrjaði á varamannabekknum hjá Köge, en kom inn á þegar hálftími var eftir og staðan 1-1.

Aðeins ellefu mínútum síðar skoraði hún sigurmarkið, sem var jafnframt hennar fimmta deildarmark á tímabilinu.

Með markinu tryggði hún Köge dýrmæt þrjú stig og sjö stiga forskot á toppi deildarinnar eftir þrettán umferðir.