Spennandi tímar fram undan hjá Chelsea - „Allt annað er algjör vonbrigði“

Chelsea hefur farið ágætlega af stað í ensku úrvalsdeildinni á þessu tímabili en eftir sjö umferðir er liðið með 13 stig af 21 mögulegu. Það hafa verið miklar breytingar hjá félaginu í sumar en Xabi Alonso tók við stjórnartaumunum og fjölmargir leikmenn gengu til liðs við Chelsea, á meðan aðrir kvöddu. Sóknarleikur liðsins hefur verið ansi skemmtilegur það sem af er tímabili en liðið hefur skorað 17 mörk í fyrstu sjö leikjunum. Varnarleikurinn hefur hins vegar ekki verið jafn sannfærandi en liðið hefur fengið á sig 13 mörk og það var ekki fyrr en í síðustu umferð sem Chelsea tókst loksins að halda hreinu.

Chelsea endaði í 10. sæti ensku úrvalsdeildarinnar á síðasta tímabili og missti þar með af Evrópusæti, sem voru mikil vonbrigði fyrir félag sem hafði fjárfest gríðarlega í leikmannahópnum undanfarin ár. Það var því ljóst að nýr stjóri þyrfti að koma liðinu aftur á rétta braut en Chelsea hefur bæði sýnt frábæra takta og átt afar slæma leiki á þessu tímabili.

Fótbolti.net ræddi við Jóhann Má Helgason, framkvæmdastjóra Wolt á Íslandi, reglulegan gest í Dr. Football og stuðningsmann Chelsea, um byrjunina á tímabilinu, sumargluggann og hvað framhaldið gæti borið í skauti sér.