Barcelona vill Díaz frá Liverpool - Úlfarnir skoða markverði - City til í að hlusta á tilboð í Grealish
   þri 20. febrúar 2024 14:30
Guðmundur Aðalsteinn Ásgeirsson
Orri Steinn skoraði í óhefðbundnum æfingaleik
Orri Steinn Óskarsson.
Orri Steinn Óskarsson.
Mynd: Jónína Guðbjörg Guðbjartsdóttir
Sóknarmaðurinn Orri Steinn Óskarsson var á skotskónum þegar FC Kaupmannahöfn vann Helsingör í æfingaleik á æfingasvæðinu hjá FCK í dag.

Þetta var frekar óhefðbundinn æfingaleikur þar sem aðeins var spilað í klukkutíma.

FCK vann leikinn 2-1 en Orri Steinn og sænska undrabarnið Roony Bardghji skoruðu mörkin í leiknum.

Orri hefur verið inn og út úr liðinu hjá FCK á þessu tímabili en hann er alls búinn að koma við sögu í 15 deildarleikjum og hefur hann skorað í þeim þrjú mörk.

Rúnar Alex Rúnarsson stóð vaktina í markinu hjá FCK en hann var fenginn til félagsins frá Arsenal í janúarglugganum.

Næsti leikur FC Kaupmannahöfn er gegn Nordsjælland í dönsku úrvalsdeildinni næstkomandi mánudag.
Athugasemdir
banner
banner
banner
banner
banner