Ragnar Bragi Sveinsson spilaði sinn fyrsta leik í dag þegar hann kom inn á sem varamaður í tapi gegn KA. Fótbolti.net ræddi við hann eftir leikinn.
Lestu um leikinn: KA 4 - 2 Fylkir
„Svekkelsi með frammistöðuna í fyrri hálfleik svo er svekkelsi að ná ekki að jafna í stöðunni 3-2. Við vorum eftir á í öllu, lélegir á boltann og í færslunum, heilt yfir 'sloppy' í öllu. Þetta var svo sannarlega leikur tveggja hálfleika eins og oft er sagt en það var bara svekkjandi hvernig við byrjuðum leikinn," sagði Ragnar Bragi.
Gríðarlega ánægður að vera kominn af stað.
„Það var frábært að koma inn á. Ég meiddist rétt fyrir fyrsta leik sem er mjög svekkjandi. Ég var búinn að æfa og djöflast í allan vetur til að vera klár í fyrsta leik en meiðast svo sem er ansi svekkjandi. Sérstaklega út af því hvernig hefur gengið þá er frábært að vera kominn aftur inn á völlinn," sagði Ragnar Bragi.
Það hefur verið erfitt að fylgjast með liðinu upp í stúku.
„Þegar það er búið að ganga svona þá er búið að vera erfitt að horfa úr stúkunni. Það er frábært að vera kominn aftur inn á en aftur á móti svekktur með leikinn í dag," sagði Ragnar Bragi.