Gylfi: Ætla óska eftir því að Ingibjörg Lúcía fari að skora flottari mörk en þetta

„Það er svekkjandi og niðurstaðan er ekki góð" sagði Gylfi Tryggvason þjálfari Grindavík/Njarðvík eftir jafnteflið í kvöld. 

„Við vinnum ekki leikinn og við vildum vinna leikinn. Það er alveg svekkjandi en ég hef sagt það svo sem áður að við erum meira að einblína á okkar frammistöður og ég var mjög ánægður með mjög margt í dag" 

„Ég er sáttur heilt yfir eins leiðinlegt og það er fyrir hvaða manneskju sem er að fá á sig jöfnunarmark í uppbótartíma. Ég fæ þær tilfinningar líka eins og aðrir" 

Stjarnan jafnaði leikinn í uppbótartíma og skaut Gylfi létt á markaskorara leiksins. 

„Þær ná stjórn á leiknum þá [síðustu 20 mínútur] og voru að dæla boltum inn í teig og reyna að jafna leikinn og það tókst með ógeðslega ljótu jöfnunarmarki" 

„Annað ljóta markið hennar Ingibjargar á tímabilinu. Þetta var jafnvel ljótara en markið hennar á móti Víking. Ég ætla að óska eftir því að Ingibjörg Lúcía fari að skora flottari mörk en þetta. Þetta var ekki fallega gert af vinkonu minni" Sagði Gylfi léttur.

Grindavík/Njarðvík hafa byrjað tímabilið virkilega vel og komið skemmtilega á óvart. 

„Ég er bara sáttur með byrjunina. Við erum að gefa öllum liðum leik, hver einasti leikur í þessari deild hefur verið hörku leikur sama hvort við höfum unnið hann eða tapað"

„Mér finnst bara við Grindavík/Njarðvík að við séum komnar á þann stað að geta veitt liðum eins og FH, Þrótti, Val og Stjörnunni núna, Þór/KA. Þetta eru risa lið sem við erum búnar að spila á móti" 

„Það er erfitt að spila á móti okkur og við erum bara að gefa þeim leiki og erum samkeppnishæf í þessari deild og mér finnst það bara mjög gott, við erum á góðum stað og mér finnst liðið líta vel út og eru að spila vel"

Nánar er rætt við Gylfa Tryggvason í spilaranum hér fyrir ofan.