Helga Rut meiddist í síðasta leik en meiðslin eru ekki jafn alvarleg og fyrst var talið að sögn Matthíasar
Matthías Guðmundsson, þjálfari Vals, var svekktur eftir leik liðsins gegn Fram í 5. umferð Bestu deildar kvenna.
Liðin skiptu með sér stigunum eftir markalaust jafntefli.
Liðin skiptu með sér stigunum eftir markalaust jafntefli.
Lestu um leikinn: Valur 0 - 0 Fram
„Svekktur, þetta var hörkuleikur. Liðin skiptust á að eiga góðan kafla. Ég hefði viljað ná lengri kafla þar sem við hefðum stjórnað leiknum betur, þá hefðum við getað komið okkur í betra færi," sagði Matthías beint eftir leik.
Valsarar komust oft í góðar stöður en náðu ekki að komast í opin marktækifæri.
„Það vantar aðeins að koma okkur í betri færi og ákvörðunartökur á síðasta þriðjungi. Líka að vera aggresífar í boxinu."
Í ljósi þess að Valur hefur fengið á sig þó nokkur mörk í seinustu leikjum var Matthías sérstaklega ánægður með að halda hreinu.
„Þær fengu alveg færi og bitu frá sér. En varnarlínan var öflug í skallaboltum og góð heilt yfir."
