Óskar Smári: Á endanum þegar þú bankar svona fast þá hljóta dyrnar að opnast

„Kaflaskiptur leikur" sagði Óskar Smári Haraldsson þjálfari Stjörnunnar eftir jafnteflið í kvöld.

„Við byrjum og fáum dauðafæri, þær fá dauðafæri, við fáum gott færi, þær fá þrjú dauðafæri og skora úr einu af þeim" 

„Fyrstu fimmtán mínúturnar og samkvæmt leikplani þá ætluðum við að setja leikinn upp í rokk og ról og fara fram og til baka" 

„Þær voru 1-0 yfir eftir þann kafla og svo svona hægt og rólega dó þetta pínu lítið í fyrri hálfleik leikurinn. Flæðið og ákefðin í báðum liðum var einhvernveginn aðeins minni og leikurinn lokaðist og varð taktískari fyrir vikið" 

„Seinni hálfleikurinn var fannst mér bara mjög góður af okkar hálfu. Mér fannst við mjög öflugar í seinni hálfleik. Við bönkum, bönkum og bönkum bara fast og alltaf fastar og fastar" 

„Á endanum þegar þú bankar svona fast þá hljóta dyrnar að opnast og það gerðist hérna í lokin. Mér fannst þetta að einhverju leyti verðskuldað" sagði Óskar Smári Haraldsson. 

Nánar er rætt við Óskar Smára Haraldsson í spilaranum hér fyrir ofan.