banner
   sun 20. júní 2021 13:00
Jóhann Þór Hólmgrímsson
Bale: Vissi ekki að Stoke væru svona góðir
Mynd: EPA
Roberto Mancini líkti Wales við Stoke á blaðamannafundi fyrir leik Ítalíu og Wales á EM í dag.

„Það er erfitt að brjóta þá á bak aftur, þeir eru mjög öflugir." sagði Mancini.

Gareth Bale leikmaður Wales var spurður út í þennan samanburð og sagði:

„Ég vissi ekki að Stoke væru svona góðir" og brosti.

Bale var síðan spurður út í tilfinninguna hans fyrir leik dagsins.

„Það væri frábært að vinna Ítalíu. Það gefur manni alltaf sjálfstraust að vinna, fá sigur hugarfarið. Sigurinn gegn Tyrklandi gefur okkur meira sjálfstraust inn í þennan leik. Við myndum þá vinna riðilinn og ég held að við fáum þá aðeins auðveldari leik í næstu umferð."




Athugasemdir
banner
banner