Sindri Snær Magnússon (ÍA)
Sindri sýndi alvöru svar.
„Stemningin inn í klefa var ósvikin. Þetta hlýtur að gefa þeim eitthvað," segir Tómas Þór Þórðarson í Innkastinu þegar rætt er um ákaflega óvæntan 2-1 sigur botnliðs ÍA gegn toppliði Vals í 13. umferð Pepsi Max-deildarinnar.
Sindri Snær Magnússon, miðjumaður ÍA, var valinn maður leiksins og er hann leikmaður 13. umferðar deildarinnar.
„Virkilega góður á miðjunni og fann sig vel í þeirri baráttu. Á stóran þátt í seinna markinu, öruggur á boltann og sýndi sína bestu frammistöðu í sumar," skrifaði Sæbjörn Steinke í skýrslu sinni um leikinn.
Sindri Snær Magnússon, miðjumaður ÍA, var valinn maður leiksins og er hann leikmaður 13. umferðar deildarinnar.
„Virkilega góður á miðjunni og fann sig vel í þeirri baráttu. Á stóran þátt í seinna markinu, öruggur á boltann og sýndi sína bestu frammistöðu í sumar," skrifaði Sæbjörn Steinke í skýrslu sinni um leikinn.
Sjá einnig:
Úrvalslið 13. umferðar Pepsi Max-deildarinnar
„Sindri hefur verið nafn í íslenska boltanum í talsverðan tíma en það er langt síðan við höfum séð svona frammistöðu frá honum eins og hann sýndi í þessum leik," segir Elvar Geir Magnússon í Innkastinu.
Ingólfur Sigurðsson tekur undir þetta.
„Maður hélt að hann væri á hraðri niðurleið. Hann var í umræðunni eftir síðustu umferð, ekki á jákvæðan hátt. Það er ótrúlega sterkt og gaman að fá þetta svar frá honum. Þetta er leikmaður sem hefur ótrúlega margt; hann er drífandi og jákvæður einstaklingur sem er flottur í fótbolta," segir Ingólfur.
„Það er vonandi fyrir Skagamenn að hann haldi áfram á þessari braut. Hann þarf svo sannarlega að vera leiðtoginn og leiða þetta lið áfram."
Sindri fór í viðtal við Fótbolta.net eftir sigurinn gegn Val.
„Við vorum staðráðnir í að spyrna aðeins frá botninum, það var ekki annað hægt þar sem við erum langneðstir. Við þurfum að reyna klífa töfluna aðeins og byrja á því að ná liðunum fyrir ofan okkur. Þetta var klárlega besta frammistaðan okkar í sumar, þannig við getum byggt ofan á þetta." sagði Sindri.
Leikmenn umferðarinnar:
12. umferð: Birkir Heimisson (Valur)
11. umferð: Beitir Ólafsson (KR)
10. umferð: Andri Yeoman (Breiðablik)
9. umferð: Hannes Þór Halldórsson (Valur)
8. umferð: Nikolaj Hansen (Víkingur)
6. umferð: Árni Elvar Árnason (Leiknir R.)
5. umferð: Orri Hrafn Kjartansson (Fylkir)
4. umferð: Ágúst Eðvald Hlynsson (FH)
3. umferð: Thomas Mikkelsen (Breiðablik)
2. umferð: Hallgrímur Mar Steingrímsson (KA)
1. umferð: Sölvi Geir Ottesen (Víkingur)
Stöðutaflan
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 0 | 0 | 0 | 0 | 0 | 0 | 0 | 0 | 0 | |
Athugasemdir
