20.09.21 - 23:20
Jóhann Þór Hólmgrímsson
Valgeir: Loksins kom markið og það í stærsta leiknum á ferlinum
Mynd: Fótbolti.net - Hafliði Breiðfjörð
Mynd: Fótbolti.net - Hafliði Breiðfjörð
Valgeir Valgeirsson leikmaður HK skoraði eina mark leiksins í sigri liðsins í dramatískum leik gegn Stjörnunni í Kórnum í kvöld.
Lestu um leikinn: HK 1 - 0 Stjarnan
Valgeir er aðeins 18 ára gamall en þrátt fyrir það er hann á sínu þriðja tímabili með HK í Pepsi Max-deildinni.
Hann skoraði þrjú mörk á sínu fyrsta tímabili, bætti um betur á því næsta og skoraði fjögur en hann skoraði sitt fyrsta mark á þessu tímabili í kvöld.
Hann ræddi við Víði Sigurðsson hjá mbl eftir leikinn.
„Loksins kom markið og það kom á besta tímapunktinum, í stærsta leiknum mínum á ferli með meistaraflokki, og þetta gerir mikið fyrir okkur. Ég gæti ekki verið ánægðari," sagði Valgeir við mbl.is eftir leikinn.
„Ég fékk boltann eftir fyrirgjöfina og ég hitti hann ekki nógu vel. En sem betur fer snerti hann varnarmann á leiðinni, mér sýndist boltinn breyta aðeins stefnu og þar með fór hann alveg út í hornið fjær. Það var geggjuð tilfinning að horfa á eftir honum,"
Svona var markinu textalýst:
„Ljubicic tarfast upp vinstri vænginn og neglir fyrir, boltinn fer í gegnum allan teiginn og til Valgeirs utarlega, hann tékkar sig inn og neglir að marki, boltinn hefur eilitla viðkomu í varnarmann og Haraldur nær þessum ekki. Kannski var rauða spjaldið nákvæmlega það sem þurfti til að kveikja í HK!" skrifaði Magnús Þór Jónsson.
Hann skoraði þrjú mörk á sínu fyrsta tímabili, bætti um betur á því næsta og skoraði fjögur en hann skoraði sitt fyrsta mark á þessu tímabili í kvöld.
Hann ræddi við Víði Sigurðsson hjá mbl eftir leikinn.
„Loksins kom markið og það kom á besta tímapunktinum, í stærsta leiknum mínum á ferli með meistaraflokki, og þetta gerir mikið fyrir okkur. Ég gæti ekki verið ánægðari," sagði Valgeir við mbl.is eftir leikinn.
„Ég fékk boltann eftir fyrirgjöfina og ég hitti hann ekki nógu vel. En sem betur fer snerti hann varnarmann á leiðinni, mér sýndist boltinn breyta aðeins stefnu og þar með fór hann alveg út í hornið fjær. Það var geggjuð tilfinning að horfa á eftir honum,"
Svona var markinu textalýst:
„Ljubicic tarfast upp vinstri vænginn og neglir fyrir, boltinn fer í gegnum allan teiginn og til Valgeirs utarlega, hann tékkar sig inn og neglir að marki, boltinn hefur eilitla viðkomu í varnarmann og Haraldur nær þessum ekki. Kannski var rauða spjaldið nákvæmlega það sem þurfti til að kveikja í HK!" skrifaði Magnús Þór Jónsson.
Heimild: Mbl.is
