mið 20. nóvember 2019 16:15
Magnús Már Einarsson
Pablo Punyed opnaði markareikninginn með El Salvador
Mynd: Fótbolti.net - Hafliði Breiðfjörð
Pablo Punyed, miðjumaður KR, skoraði í 2-0 sigri El Salvador á Dómíníska lýðveldinu í gærkvöldi.

Leikurinn er liður í nýrri Þjóðadeild í Ameríku. Þetta var lokaleikur riðilsins en El Salvador vann sinn riðil í B-deildinni og endaði á undan Montserrat, Dóminíska lýðveldinu og St. Lucia.

Pablo kom inn á sem varamaður á 80. mínútu í gær og skoraði annað mark El Salvador á 87. mínútu við mikinn fögnuð heimamanna.

Hinn 29 ára gamli Pablo hefur spilað á Íslandi frá því árið 2012 en hann á 23 landsleiki að baki með El Salvador.

Hér að neðan má sjá markið.




Athugasemdir
banner
banner
banner