John Cross, íþróttastjóri enska dagblaðsins Mirror, hefur trú á því að Tottenham geti endað í topp fjórum undir stjórn Jose Mourinho.

„Það er mikilvægt fyrir hann að sanna að liðið geti spilað með stíl og haldið í einkenni Tottenham," segir Cross.

„Til að gæta sanngirnis þá spilaði hann oft skemmtilegan fótbolta hjá Chelsea, rútunni var ekki alltaf lagt. Að vinna með skemmtilegum fóbolta er í DNA hjá Spurs. Stuðningsmennirnir munu ekki sætta sig við leiðinlegan fótbolta og að vinna með öllum mögulegum leiðum."

„Tottenham verður að vona að félagið fái bestu útgáfuna af Jose en ekki neikvæðu útgáfuna sem var hjá Manchester United. Tottenham á ekki möguleika á að blanda sér aftur í titilbaráttuna og ég sé þá ekki ná sömu hæðum í Meistaradeildinni."

„Ég get séð þá ná topp fjórum. Þeir hafa fengið Mourinho til að vinna titla og FA-bikarinn er eini raunhæfi möguleikinn til þess. Allt minna er undir væntingum Mourinho."

Tweet

Senda a Facebook Hafdu samband Senda frétt Prenta frétt Frétta leit