FC Sochi er að ganga frá samningum við franska miðvörðinn Adil Rami. Hann mun skrifa undir þriggja mánaða samning við botnlið rússnesku deildarinnar.
Rami er 34 ára gamall og lék fyrir Lille, Valencia, AC Milan, Sevilla og Marseille áður en hann gekk í raðir Fenerbahce fyrir leiktíðina.
Rami tókst ekki að vinna sér inn sæti í byrjunarliði Fenerbahce og hefur stjórn félagsins gefið honum leyfi til að fara.
Rami spilaði 36 leiki fyrir franska landsliðið og lagði landsliðsskóna á hilluna eftir HM 2018. Hann var í hóp Frakka en kom ekki við sögu er þeir urðu heimsmeistarar.
Sochi er í harðri fallbaráttu og á Rami að hjálpa við að bjarga félaginu frá falli. Liðið er með 15 stig eftir 18 umferðir, fjórum stigum frá öruggu sæti.
Stöðutaflan
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 0 | 0 | 0 | 0 | 0 | 0 | 0 | 0 | 0 | |
Athugasemdir
