Malen, Maguire, Rashford, Greenwood, Yoro, Eriksen og fleiri góðir í slúðri dagsins
banner
   fös 21. febrúar 2020 18:22
Ívan Guðjón Baldursson
Myndband: Braithwaite klikkaði í kynningunni
Mynd: Getty Images
Þegar Barcelona kynnir nýja leikmenn eru þeir látnir leika sér með bolta fyrir framan myndavélar og stuðningsmenn.

Það gengur ekki alltaf vel og vakti það mikla athygli þegar myndbönd af mistökum Ousmane Dembele láku á veraldarvefinn þegar hann var kynntur á sínum tíma. Dembele var fenginn til Barcelona fyrir um 140 milljónir evra í ágúst 2017 og lenti í miklum erfiðleikum á sinni eigin kynningu, eins og má sjá á myndbandi hér neðar.

Martin Braithwaite var fenginn til Barcelona fyrr í vikunni og hafa miklar efasemdir um gæði hans sprottið upp meðal stuðningsmanna félagsins og knattspyrnusérfræðinga. Danski framherjinn þykir ekki nægilega góður fyrir Barcelona en hefur engu að síður verið kynntur fyrir stuðningsmönnum.

Hann fékk bolta til að leika listir sínar en mistókst herfilega í fyrstu tilraun. Mikið grín hefur verið gert af Braithwaite á veraldarvefnum og verður áhugavert að sjá hvort hann muni spjara sig hjá Spánarmeisturunum.




Athugasemdir
banner
banner
banner
banner