Franskir fjölmiðlar greina frá því að Tottenham hafi reynt að krækja í Campos en Lille hafnaði tilboðinu.

Campos er mikils metinn í fótboltaheiminum og hefur fengið mikið lof fyrir störf sín bæði hjá Lille og Mónakó. Hjá Mónakó byggði hann upp liðið sem endaði á að vinna frönsku deildina 2017 á meðan Lille hefur fest sig í sessi sem Meistaradeildarbaráttulið að undanförnu.

Campos er talinn hafa áhuga á að starfa fyrir Tottenham, sem mun bjóða aftur í hann í sumar samkvæmt L'Equipe.