Malen, Maguire, Rashford, Greenwood, Yoro, Eriksen og fleiri góðir í slúðri dagsins
   þri 21. mars 2023 11:19
Elvar Geir Magnússon
München
Allir voru með á æfingasvæði Bayern - Ísak að stíga upp úr veikindum
Icelandair
Ísak er allur að braggast eftir veikindi.
Ísak er allur að braggast eftir veikindi.
Mynd: Fótbolti.net - Hafliði Breiðfjörð
Íslenska landsliðið æfði í morgun við frábærar aðstæður á æfingasvæði Bayern München. Á morgun verður flogið yfir til Bosníu þar sem leikurinn mikilvægi fer fram á fimmtudaginn.

Æft var á svæði þar sem yngri lið Bayern og kvennaliðið æfa og spila. Karlaliðið er svo með annað æfingasvæði sem er í hinum enda borgarinnar.

Allir leikmenn í hópnum tóku þátt í æfingunni þær fimmtán mínútur sem fjölmiðlar fengu að fylgjast með. Þar á meðal Ísak Bergmann Jóhannesson sem hefur verið veikur og lék ekki með FCK um liðna helgi.

Alfons Sampsted, Hörður Björgvin Magnússon og Alfreð Finnbogason sem tóku ekki þátt í æfingunni í gær voru allir mættir og það er góður andi í hópnum.

Hafliði Breiðfjörð ljósmyndari Fótbolta.net tók meðfylgjandi myndir.

Athugasemdir
banner
banner
banner
banner