Anderson til United? - Arsenal í viðræðum við lykilmenn - Tveir á förum frá United - 18 ára vekur athygli
Ómar Björn: Greinilega alltaf gíraðir gegn Blikunum
Lárus Orri: Sagði við mig eftir leik að þetta væri auðveld staða
Dóri Árna: Meiri trú og ástríða í augum Skagamanna
„Þú veist að það er bara einn Siggi Hall"
Guðlaugur Victor fer yfir sigurmark Frakka: Ég er nógu hraður til að díla við Mbappe
Daníel Tristan í skýjunum: Það skemmtilegasta sem ég hef gert í lífinu
Skoraði markið umtalaða - „Dómaranum fannst það sem ég skil ekki”
Ísak stoltur og talar um rán - „Ég er bara að drepast”
Vissi að þetta væri rautt: „Sagði strax við strákana að ég ætla að liggja aðeins“
Franskur blaðamaður: Yrði mikið sjokk að vinna ekki Ísland
Kristian: Ekki rétt það sem kom fram um mig
„Ef við byrjum leikina eins og seinni hálfleik getum við gert drullu góða hluti"
Ólafur Ingi stoltur af frammistöðunni - „Fyrir mér glórulaus dómur"
Mikael Egill: Er það ekki bara Frakkinn?
Stefán Teitur: Nei, það er geðveikt
Sverrir Ingi: Bónusleikur fyrir okkur
Ísak Bergmann: Stórt fyrir Skagann á erfiðu sumri
„Mbappé má eiga það að hann er fljótur”
Björgvin Karl: Hefðum átt að klára þennan leik
Óli Kri: Við fengum erfiðan andstæðing í dag
   fös 21. mars 2025 21:23
Elvar Geir Magnússon
La Finca
Stefán Teitur: Það var lítið sofið í flugvélinni
Icelandair
Stefán Teitur á landsliðsæfingu á Spáni.
Stefán Teitur á landsliðsæfingu á Spáni.
Mynd: Fótbolti.net - Hafliði Breiðfjörð
Flugvélin sem landsliðið flaug með til Spánar.
Flugvélin sem landsliðið flaug með til Spánar.
Mynd: Fótbolti.net - Hafliði Breiðfjörð
Mynd: Fótbolti.net - Hafliði Breiðfjörð
„Nóttin var kannski erfið, það var lítið sofið í flugvélinni en við náðum góðum fimm til sex tímum þegar við komum aftur á hótelið," segir Stefán Teitur Þórðarson, landsliðsmaður Íslands.

Eftir 2-1 tapið gegn Kósovó í fyrri viðureign liðanna í gær fór íslenska liðið í næturflugi aftur til Spánar og lentu eldsnemma í morgun. Þessi föstudagur fór því að stærstum hluta í endurheimt og meðhöndlun.

„Þetta snýst bara um það að vera klár á sunnudaginn," segir Stefán Teitur en þegar Fótbolti.net ræddi við hann á liðshótelinu í dag var liðið ekki búið að mæta á fund þar sem farið var yfir fyrri leikinn.

„Það er fundur í kvöld og farið vel fyrir það en við höfum rætt um það strákarnir okkar á milli hvað okkur fannst fara úrskeiðis taktískt hjá okkur sem leikmenn. Það vantaði kannski aðeins ákefð og þetta einfalda í fótbolta, vinna seinni bolta og tæklingar eins og Arnar talaði um. Þetta hljómar kannski asnalegt og einfalt en er bara rétt. Ef þú ert yfir í þessu geturðu spilað fótbolta eins og við gerðum í fyrri hálfleik."

Hörð samkeppni milli Skagamanna
Stefán Teitur byrjaði á bekknum í gær en vonast að sjálfsögðu eftir því að vera meðal fyrstu ellefu á sunnudaginn.

„100%, það er alltaf markmiðið þegar maður kemur hérna inn en Arnar ræður auðvitað. Maður vill alltaf byrja og þegar maður er að spila svona vel hjá sínu félagsliði eins og ég er að gera þá vill maður það. Við erum með fleiri sem eru að spila á frábæru leveli á miðsvæðinu, eins og Ísak og Hákon," segir Stefán en það er nóg af Skagamönnum í hópnum eins og fréttamaður benti á.

„Já, það er bara frábært," segir Stefán brosandi. Hvernig metur hann möguleika Íslands á að snúa dæminu við og vinna Kósovó á sunnudag?

„Bara góða. Mér fannst við sýna það á köflum að við erum mun betra lið en Kósovó. Við sjáum fullt af möguleikum sem við ætlum að fara betur yfir í kvöld."

Í raun bara tveir útileikir
Vegna framkvæmda á Laugardalsvelli fer leikurinn á sunnudaginn fram í Murcia á Spáni, þrátt fyrir að vera heimaleikur Íslands. Er það ekki spes tilfinning að vera að fara að spila heimaleik á Spáni?

„Þetta eru í raun bara tveir útileikir en við höfum verið á La Finca svæðinu oft og mörgum sinnum, okkur líður mjög vel hérna. Við þurfum að fara með gott hugarfar inn í leikinn á sunnudaginn og stemningin er þannig innan hópsins."

Stefán hefur verið að spila frábærlega með Preston í ensku Championship-deildinni og ræðir meðal annars um gengi sitt þar og komandi bikarleik gegn Aston Villa í viðtalinu, sem er í heild í sjónvarpinu hér að ofan.
Athugasemdir
banner