Ekki búið að taka lokaákvörðun varðandi Sveindísi

Sveindís Jane Jónsdóttir var í dag valin í landsliðshóp fyrir komandi leiki landsliðsins gegn Úkraínu og Spáni í undankeppni HM.

Sveindís glímir við meiðsli á il og er óvíst hvort Sveindís geti tekið þátt í landsleikjunum. Hún hefur misst af síðustu tveimur leikjum Angel City í Bandaríkjunum.

Landsliðsþjálfarinn Þorsteinn Halldórsson sagði á fréttmannafundi í dag að ákvörðun um hvort hún gæti spilað í landsleikjunum yrði tekin síðar, í lok næstu viku, og telur hann um helmingslíkur á að hún geti verið með landsliðinu. „Við ætlum að bíða og sjá hvernig næsta vika þróast og svo verður tekin endanlega ákvörðun."