„Auðvitað verður hann í markinu“ þrátt fyrir mistökin

Daniel Farke, stjóri Leeds, sagði Trafford að horfa ekki á atvikið aftur.

„Hann hefur staðið sig frábærlega og unnið stig fyrir okkur. Sem ungur markvörður mun hann læra af þessu. Það er mikilvægt fyrir mig að hann missi ekki sjálfstraustið og ég vil ekki að hann breyti leik sínum. Auðvitað verður hann í markinu um helgina," segir Farke.

Trafford, sem er 24 ára, var keyptur til Leeds í sumar frá Manchester City fyrir meira en 40 milljóna punda og er dýrasti leikmaður í sögu Leeds.

Leeds, sem er í tólfta sæti ensku úrvalsdeildarinnar, fær Tottenham í heimsókn í hádegisleiknum á laugardag. Sóknarmaðurinn Dominic Calvert-Lewin æfði ekki með Leeds í dag vegna smávægilegra meiðsla en búist er við því að hann geti æft á morgun.