Valur tók á móti Þór/KA í 7. umferð Pepsi-Max deildar kvenna í kvöld. Leiknum lauk með 1-1 jafntefli. Eiður Ben Eiríksson, annar þjálfara Vals, var ósáttur við leik síns liðs í kvöld:

Lestu um leikinn: Valur 1 -  1 Þór/KA

„Ég er bara fúll, ósáttur við spilamennskuna í dag. Hún var ekki eins og við vildum hafa hana.“

„Mér fannst þetta vera gamla góða vanmatið í rauninni. Við mættum sofandi til leiks og náðum okkur aldrei á strik.“

„Auðvitað komu kaflar í leiknum sem við héldum boltanum vel, vorum aggressive og vorum að pressa þær en það voru of stuttir kaflar og þá klikkaði síðasta sendingin. Við náðum ekki að skapa okkur opin færi og ef við komust í þau vorum við lengi að klára og athafna okkur."

Þór/KA fékk víti í leiknum í dag en Eiður telur að það hafi verið rangur dómur.

„Svekkjandi niðurstaða, þetta var aldrei víti, hún er fyrir utan teig svo þetta er rosalega pirrandi. En ég ætla ekki að taka neitt af Þór/KA liðinu, þær stóðu sig vel og voru baráttuglaðar og vildu þetta.“

Viðtalið við Eið má sjá í heild sinni í spilaranum hér að ofan og þar ræðir hann meðal annars um bikarleikinn gegn ÍBV sem fer fram í vikunni og kaflaskipt tímabil Vals.

Tweet

Senda a Facebook Hafdu samband Senda frétt Prenta frétt Frétta leit