Juventus hafnaði fyrirspurn frá Chelsea

Þessi 19 ára gamli framherji er einn efnilegasti leikmaður ítalska liðsins en hann skoraði fjögur mörk í 32 leikjum í öllum keppnum á síðustu leiktíð.

Hann var með stórt hlutverk í tyrkneska landsliðinu sem komst í átta liða úrslit á EM í sumar þar sem liðið tapaði að lokum gegn Hollandi.

Yildiz á þrjú ár eftir af samningi sínum hjá Juventus en það eru viðræður í gangi um nýjan langtíma samning. Samningur sem gefur honumr rúmlega milljón evrur í laun yfir eitt tímabil að meðaltali er á borðinu. Leikmaðurinn vill hins vegar fá betra tilboð.