Selfoss vann sinn sjöunda leik í röð í 2. deildinni í dag en það dugði ekki til að komast aftur upp í Inkasso-deildina. Toppliðin tvö, Vestri og Leiknir F., unnu bæði í dag.

Dean Martin, þjálfari Selfyssinga, segist ánægður með sumarið þrátt fyrir að liðið hafi ekki komist upp um deild.

„Við spiluðum mjög vel í dag, mjög flott að halda hreinu. Við erum búnir að spila virkilega vel síðustu sjö leiki og búnir að vinna þá alla," sagði Dean að leikslokum.

„Ég er mjög sáttur með sumarið. Þetta er ungur og skemmtilegur hópur með marga mjög efnilega leikmenn. Fyrir mér er þetta ekki slæmt tímabil, leikmennirnir eru búnir að þroskast helling og búnir að læra af mistökum."

Dean segist gera ráð fyrir því að halda áfram með Selfoss næsta sumar. Hann veit ekki hversu mikið af leikmannahópnum mun vera áfram og vonast til að halda Hrvoje Tokic sem gerði 22 mörk í sumar.

STUÐNINGSSVEIT
FÓTBOLTA.NET

Tryggjum framtíð Fótbolta.net

Fótbolti.net er eini stóri fjölmiðillinn á Íslandi sem nýtur ekki ríkisstyrkja.

Gakktu í stuðningssveitina og hjálpaðu okkur að tryggja áframhaldandi öfluga umfjöllun um fótbolta.

STYRKJA

Tweet

Senda a Facebook Hafdu samband Senda frétt Prenta frétt Frétta leit