Starfsmaður KSÍ greindist með kórónuveiruna síðastliðinn mánudag. Þetta kemur fram á Morgunblaðinu.
Þar segir að umræddur starfsmaður sé hluti af starfsliði landsliðsins
og að hann sé núna í einangrun eftir að hafa greinst með veiruna.
Þorgrímur Þráinsson, starfsmaður íslenska landsliðsins, greindist með veiruna fyrir leik Íslands og Belgíu í síðustu viku. Allt starfsteymi landsliðsins þurfti í kjölfarið að fara í sóttkví. Arnar Þór Viðarsson og Davíð Snorri Jónasson stýrðu því landsliðinu í leiknum gegn Belgíu.
Á vef Morgunblaðsins segir að leikmenn A-landsliðsins þurfi ekki að fara í sóttkví eftir annað smit hjá starfsmanni liðsins.
„Samkvæmt heimildum mbl.is er það ekki staðan með leikmenn A-landsliðs karla, ekki eins og staðan er í dag í það minnsta," segir á vef Morgunblaðsins.
Næsta landsliðsverkefni er í næsta mánuði þar sem við mætum Ungverjalandi í úrslitaleik um sæti á EM. Við spilum einnig tvo síðustu leiki okkar í A-deild Þjóðadeildarinnar í bili.
Athugasemdir