Lionel Messi fór á kostum þegar Barcelona vann stórsigur á Eibar í spænsku úrvalsdeildinni.
Messi gerði sér lítið fyrir og skoraði fernu. Fyrir leikinn í dag hafði Messi ekki skorað í fjórum í röð með Barcelona, en það hafði ekki gerst frá árinu 2014.
Argentíski snillingurinn rauf markaþurrð sína á 14. mínútu. Hann skoraði tvö mörk til viðbótar og fullkomnaði þrennu sína fyrir lok fyrr hálfleiks. Hann skoraði svo fjórða mark sitt á 87. mínútu. Brasilíumaðurinn Arthur skoraði síðasta mark leiksins á 89. mínútu. Leikurinn endaði 5-0.
Martin Braithwaite, leikmaðurinn sem Barcelona fékk leyfi til að kaupa utan félagskiptaglugga í vikunni, kom inn á sem varamaður fyrir Antoine Griezmann á 72. mínútu.
Barcelona gerði Leganes þann grikk að kaupa Braithwaite fyrir riftunaverð í samningi hans. Barca fékk leyfi til að kaupa hann út af meiðslum, en Leganes fékk svo ekki leyfi til að fá inn mann í stað Braithwaite.
Leagnes er í fallbaráttu og tapaði í dag fyrir Celta Vigo. Iago Aspas skoraði þar eina markið fyrir Celta sem lék einum færri út af rauðu spjaldi á 21. mínútu.
Leganes er núna fimm stigum frá öruggu sæti, en Celta situr í 17. sæti spænsku úrvalsdeildarinnar.
Barcelona 5 - 0 Eibar
1-0 Lionel Andres Messi ('14 )
2-0 Lionel Andres Messi ('37 )
3-0 Lionel Andres Messi ('40 )
4-0 Lionel Andres Messi ('87 )
5-0 Arthur ('89 )
Celta 1 - 0 Leganes
1-0 Iago Aspas ('62 )
Rautt spjald: Filip Bradaric, Celta ('21)
Athugasemdir