Josep Pedrerol, fréttamaður á spænsku sjónvarpsstöðinni El Chiringuito, sá sig tilneyddan að biðjast afsökunar í þætti sínum í gær en hann hafði lofað því að Kylian Mbappe myndi ganga í raðir Real Madrid.
Pedrerol fullvissaði stuðningsmenn Madrídinga að Mbappe væri búinn að ná samkomulagi við félagið og það væri stutt í að það yrði tilkynnt.
Mbappe tók svakalega U-beygju á síðustu dögum og ákvað að framlengja samning sinn við Paris Saint-Germain til næstu þriggja ára.
PSG bauð honum gull og græna skóga. Ekki nóg með það heldur afhenti stjórnin honum lyklana að veldinu.
Pedrerol baðst afsökunar á því sem hann sagði um Mbappe í þætti sínum en allt við þetta myndband er kómískt.
„Þegar Mbappe gerði þetta samkomulag þá sagði ég ykkur frá því. Ég lofaði ykkur því að hann myndi spila fyrir Real Madrid. Ég er bjáni og ég er heimskur. Ég trúi því sem fólk segir við mig en ég mun læra af þessu," sagði Pedrerol í dramatísku myndbandi sem má sjá hér fyrir neðan.
"I'm a fool."
— El Chiringuito in English (@ElChiringuitoEN) May 21, 2022
Josep Pedrerol reflects on his reports that claimed Kylian Mbappé was coming to Real Madrid. pic.twitter.com/XfvjGBJVqO
Athugasemdir