KA tapaði gegn Val í Bestu deildinni í kvöld. Fótbolti.net ræddi við Oliver Heiðarsson, leikmann KA, eftir leikinn.
Lestu um leikinn: KA 0 - 1 Valur
„Þetta er svolítið súrt núna. Mér líður eins og ég hefði átt að setja allavega eitt og gefa okkur betri séns. Það er mjög súrt að spila vel og ná ekki meira út úr þessu," sagði Oliver.
Oliver gekk til liðs við KA frá króatíska félaginu Lokomotiva Zagreb í síðasta mánuði en hann var úti í kuldanum í Króatíu og æfði ekkert.
„Við erum að þróa leikinn okkar áfram og smella hlutunum saman. Þetta er fyrsti leikurinn þar sem mér líður mjög vel inn á vellinum og get hlaupið og djöflast allan leikinn. Þetta er jákvætt en leiðinlegt að ná ekki allavega í stig eða sigur úr þessum leik."
„Stigin koma á endanum. Ef við höldum svona áfram þá koma klárlega fleiri sigrar."
