fös 22. nóvember 2019 13:30
Magnús Már Einarsson
Maradona hættur við að hætta
Mynd: Getty Images
Diego Maradona tilkynnti í dag að hann sé hættur við að hætta sem þjálfari Gimnasia í úrvalsdeildinni í Argentínu.

Maradona tók við í september með því skilyrði að Gabriel Pellegrino yrði áfram forseti félagsins.

Pellegrino ákvað síðan að sækjast ekki eftir endurkjöri í forsetakosningum hjá Gimnasia á morgun.

Maradona ákvað því í vikunni að segja upp en hann hefur nú hætt við það og ætlar að halda áfram þrátt fyrir að nýr forseti taki við.

Maradona greindi frá því í færslu á Instagram að hann ætli að halda áfram og sé spenntur fyrir framhaldinu.

Athugasemdir
banner
banner
banner