Liverpool vill Summerville - Newcastle reynir við landsliðsmenn - McKenna, Maresca og Frank á blaði Chelsea
banner
sunnudagur 26. maí
Lengjudeild karla
föstudagur 17. maí
Mjólkurbikar karla
mánudagur 13. maí
Lengjudeild kvenna
þriðjudagur 7. maí
Lengjudeild kvenna
mánudagur 6. maí
Besta-deild karla
Lengjudeild kvenna
laugardagur 4. maí
2. deild karla
Besta-deild karla
Lengjudeild karla
miðvikudagur 1. maí
Lengjudeild karla
mánudagur 29. apríl
Besta-deild karla
laugardagur 25. maí
Engin úrslit úr leikjum í dag
þri 22.nóv 2022 10:45 Mynd: Getty Images
Magazine image

F-riðillinn: Tveir með töframátt í fótunum

Heimsmeistaramótið í Katar hófst á sunnudaginn. Við höldum áfram að hita upp fyrir riðlakeppnina - sem er komin á fleygiferð - með því að birta fréttir um hvern riðil. Það eru þrír riðlar eftir og í dag er komið að F-riðlinum. Í þeim riðli eru:

Belgía 🇧🇪
Kanada 🇨🇦
Króatía 🇭🇷
Marokkó 🇲🇦

1. Króatía 🇭🇷
Staða á heimslista: 12
Króatía fór í úrslitaleikinn fyrir fjórum árum og núna er liðið komið enn lengra. Í Þjóðadeildinni vann Króatía riðil sinn með Frakklandi og Danmörku. Það segir mikið um styrk liðsins. Margir af eldri leikmönnum liðsins hafa horfið á braut en liðið er áfram gríðarlega sterkt.



Fer Króatía aftur í úrslitaleikinn? Ekki útiloka það.

Þjálfarinn: Zlatko Dalic


Það hafa verið hæðir og lægðir hjá Dalic frá því hann tók við starfinu. Það hafa komið upp erfiðleikar eftir árangurinn stórkostlega á síðasta heimsmeistaramóti. En honum hefur tekist að gera vel í að sameina hópinn og er hann með þjóðina á bak við sig. Hann er grjótharður og kemstu ekki upp með neitt múður við Zlatko Dalic. Hann ákvað til að mynda bara að henda Ante Rebic, leikmanni AC Milan, úr hópnum eftir 2020 þar sem hann var með vesen.

Lykilmaður: Luka Modric


Er orðinn 37 ára gamall, en er enn alveg ótrúlega góður í fótbolta. Það verður ekki tekið af honum. Það eru fáir betri sendingarmenn en hann. Sjáið þetta bara:



Modric elskar líka að spila á HM. Síðast þegar hann lék á þessu móti þá var hann valinn besti leikmaður í heimi.

Fylgist með: Josko Gvardiol


Einn efnilegasti varnarmaður í heimi. Örvfættur miðvörður sem leikur með RB Leipzig í Þýskalandi. Hann kemur ekki til með að leika þar lengi. Það er eiginlega bara tímaspursmál hvenær hann fer í eitthvað stórlið.



2. Belgía 🇧🇪
Staða á heimslista: 2
Það er hávær umræða um að þetta sé jafnvel síðasti sénsinn fyrir belgísku gullkynslóðina að stíga upp og taka gull á stórmóti. Núna eru leikmenn eins og Kevin de Bruyne, Thibaut Courtois og Romelu Lukaku í sínu besta formi. Eden Hazard er það ekki, en það er bara eins og það er. Varnarleikurinn er spurningamerki fyrir belgíska liðið, en Courtois getur ekki bjargað öllu.

Þjálfarinn: Roberto Martinez


Eftir sex ár, þá er þolinmæðin gagnvart spænska þjálfaranum við það að lenda á endastöð. Hann fékk þessa gullkynslóð í hendurnar og er hans besti árangur þriðja sætið á HM 2018. Hann hefur ekki enn unnið bikar og var árangurinn á Evrópumótinu í fyrra ákveðin vonbrigði. Verður gullkynslóðin þekkt sem bronskynslóðin?

Lykilmaður: Kevin de Bruyne


Hann og Modric, tveir af bestu miðjumönnum heims, eru saman í þessum riðli. Þeir eru báðir með töframátt í fótunum. Það er óhætt að segja það. Hann er besti leikmaðurinn í þessu liði og leiðtogi inn á vellinum. De Bruyne stjórnar leiknum inn á miðsvæðinu og hann þarf að sýna sitt allra besta svo Belgar nái langt. Romelu Lukaku kemur meiddur inn í mótið og Hazard hefur ekki verið heill í mörg ár. Belgar treysta á að snillingurinn á miðjunni láti hlutina tikka og hann er með lyklana að því að belgíska liðið náði góðum árangri.



Fylgist með: Michy Batshuayi


Það hefur ekki alltaf verið dans á rósum hjá Batshuayi með félagsliðum sínum en hann er einn af þeim leikmönnum sem virðist alltaf standa sig vel með landsliðinu. Lukaku missir af fyrstu leikjunum og Belgar leita þá til Batshuayi til að spila fremst. Hann er með 26 mörk í 47 landsleikjum. Ekki slæmt.

Sjá einnig:
Batshuyai birtir mynd: Hann og níu Íslendingar

3. Marokkó 🇲🇦
Staða á heimslista: 22
Marokkó hafði ekki komist á inn á fjögur heimsmeistaramót í röð áður en þeir tóku þátt í Rússlandi fyrir fjórum árum. Þeir fylgdu því eftir með því að komast inn á mótið í Katar núna. Marokkó er með lúmskt sterkt lið og gæti komið á óvart í þessum riðli. Þeir eru alveg færir um það.

Þjálfarinn: Walid Regragui


Var landsliðsmaður frá 2001 til 2009. Var svo aðstoðarþjálfari landsliðsins eftir að ferlinum lauk en hann þurfti að læra meira og fór því að þjálfa í félagsliðaboltanum. Hann varð deildarmeistari í Marokkó með FUS Rabat árið 2016 og deildarmeistari í Katar með Al Duhail SC í Katar. Hans stærsti sigur var með Wydad AC er hann vann Meistaradeildina í Afríku með þeim. Hefur sannað sig sem öflugur þjálfari.

Lykilmaður: Achraf Hakimi


Hægri bakvörðurinn er gulldrengurinn í Marokkó. Leikur með Paris Saint-Germain í Frakklandi og er klárlega einn af hægri bakvörðum í heimi. Er í heimsklassa en það er ekki hægt að segja það sama um neinn annan leikmann liðsins, þó margir þeirra séu mjög fínir í fótbolta.



Fylgist með: Sofiane Boufal


Náði sér ekki alveg á strik með Southampton í ensku úrvalsdeildinni en hann fær traustið í liði Marokkó. Mjög teknískur leikmaður sem gaman er að fylgjast með.



4. Kanada 🇨🇦
Staða á heimslista: 41
Þetta er í annað sinn sem Kanada tekur á HM, og í fyrsta sinn síðan 1986. Liðið gerði mjög vel í undankeppninni og komst nokkuð sannfærandi inn á mótið. Það er spennandi lið í mótun fyrir HM 2026 á heimavelli þeirra, en þeir eru ekki alveg tilbúnir að gera einhverja hluti núna. Vilja halda vel í boltann en hvernig mun það ganga á móti liðum eins og Belgíu og Króatíu?

Þjálfarinn: John Herdman


Varð að stóru nafni í Kanada þegar hann stýrði kvennalandsliðinu að bronsi á Ólympíuleikunum 2012 og 2016. Tók við karlalandsliðinu 2018 og hefur tekist að búa til sterkt lið. Enski þjálfarinn breytti einstaklingum í lið eftir að hann tók við karlandsliðinu.

Lykilmaður: Alphonso Davies


Missti af mörgum leikjum í undankeppninni og Kanada þurfti að læra að vinna án hans. En með hinn 22 ára gamla Davies í liðinu, þá er kanadíska liðið mun betra og mun hættulegra. Er vinstri bakvörður hjá Bayern München en spilar mun framar hjá Kanada og þar verður fróðlegt að fylgjast með honum.



Fylgist með: Jonathan David


Mjög svo spennandi sóknarmaður sem mun leiða línuna hjá Kanada. Er kominn með níu mörk í 15 deildarleikjum í Frakklandi með Lille á þessari leiktíð. Eins og sagt var um Gvardiol áðan, þá er það bara tímaspursmál hvenær þessi hæfileikaríki sóknarmaður fer í eitt stærsta félag Evrópu.



Belgía og Króatía eigast við í lokaumferð riðilsins. Verða bæði lið með sex stig þegar þangað verður komið?

Leikirnir:

miðvikudagur 23. nóvember
10:00 Marokkó - Króatía (Al Bayt Stadium, Al Khor)
19:00 Belgía - Kanada (Ahmad bin Ali Stadium, Al Rayyan)

sunnudagur 27. nóvember
13:00 Belgía - Marokkó (Al Thumama Stadium, Doha)
16:00 Króatía - Kanada (Khalifa International Stadium, Al Rayyan)

fimmtudagur 1. desember
15:00 Króatía - Belgía (Ahmad bin Ali Stadium, Al Rayyan)
15:00 Kanada - Marokkó (Al Thumama Stadium, Doha)

Sjá einnig:
A-riðillinn: Van Gaal mætir með læti og bjartasta von Afríku
B-riðillinn: Kafteinn Ameríka reynir að stoppa ljónin þrjú
C-riðillinn: Síðasti dansinn hjá litla snillingnum
D-riðillinn: Á miðjunni liggur vandamálið
E-riðillinn: Þýska stálið gegn endurfæddum Xavi og Iniesta
Athugasemdir
banner
banner