Kylian Mbappe er sá fyrsti í sögu PSG til að skora fimm mörk í sama leiknum
Kylian Mbappe gerði sér lítið fyrir og skoraði fimm mörk í 7-0 sigri Paris Saint-Germain á Pays de Cassel í franska bikarnum í kvöld en hann er sá fyrsti í sögu félagsin sem skorar fimm mörk í einum og sama leiknum.
Frakkinn skoraði þrennu á ellefu mínútum í fyrri hálfleik og bætti síðan við tveimur í síðari hálfleiknum.
Fjórða markið var sérstaklega fallegt en hann fékk sendingu inn fyrir vörnina, þóttist ætla að taka við boltanum, en leyfði honum í staðinn að skoppa framhjá markverðinum áður en hann afgreiddi boltann í netið.
Mbappe gerði síðan fimmta mark sitt í leiknum þegar rúmar tíu mínútur voru eftir.
Neymar og Carlos Soler komust einnig á blað en PSG er nú komið áfram í 16-liða úrslit þar sem liðið mætir erkifjendum sínum í Marseille.
Kylian Mbappé is the first player in Paris Saint-Germain history to score FIVE goals in a single competitive game. ?? pic.twitter.com/6oRvDC58QK
— Squawka (@Squawka) January 23, 2023
Athugasemdir
