Þýskaland: Auðvelt fyrir Wolfsburg gegn Mainz

Wolfsburg vann sinn annan leik í röð í þýsku deildinni og er aðeins tveimur stigum frá Evrópusæti.

Mainz kíkti í heimsókn í dag og lentu heimamenn ekki í miklum erfiðleikum enda færanýting þeirra frábær.

Josip Brekalo og Renato Steffen skoruðu í fyrri hálfleik. Yannick Gerhardt gerði þriðja markið í upphafi síðari hálfleiks og innsiglaði Steffen sigurinn með fjórða markinu á 68. mínútu.

Brekalo gerði fyrsta mark leiksins með flottu langskoti og var fjórða markið einstaklega laglegt, þar sem Steffen lék lystir sínar innanum varnarmenn Mainz í vítateignum áður en hann skoraði.

Mainz er tveimur stigum fyrir ofan fallsvæðið.