Fotbolti.net
23.04.20 - 13:50
Elvar Geir Magnússon

EM 2021 mun heita EM 2020 (Staðfest)

EM 2021 mun heita EM 2020 (Staðfest)
Canon

Mynd: Getty Images

Þrátt fyrir að lokakeppni Evrópumóts landsliða hafi verið færð aftur um eitt ár og verði leikin sumarið 2021 þá mun mótið enn kallast EM 2020.

UEFA staðfesti þetta í dag og segir að ákvörðun hafi verið tekin eftir að allar hliðar hafi verið skoðaðar gaumgæfilega.

Mótið verður haldið víða um Evrópu í tilefni af 60 ára afmæli Evrópumótsins í ár.

Nú þegar er búið að framleiða gríðarlegt magn af varningi og ýmsu öðru merkt EM 2020 og ljóst að það hefði orðið rosalegur aukakostnaður við að breyta nafni mótsins.

Ísland vonast til að taka þátt í keppninni en liðið mun mæta Rúmeníu í umspilsleik á Laugardalsvelli. Sigurliðið þar mætir Ungverjalandi eða Búlgaríu ytra í hreinum úrslitaleik um sæti á EM.
Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.