Byrjunarlið ÍBV og KR: Óskar stýrir ÍBV - Sá yngsti byrjar

Arnar Breki Gunnarsson, Arnór Ingi Kristinsson, Vicente Valor og Pisco koma inn í lið ÍBV frá 2-1 tapi gegn Val í síðustu umferð. Alex Freyr Hilmarsson, Milan Jezdemirovic, Róbert Elís Hlynsson og Filip Stuparevic detta út. Alex Freyr og Róbert eru ekki í hópnum en Alex Freyr fór af velli vegna meiðsla gegn Val. Róbert er lánsmaður frá KR.

Aleksandar Linta tekur út leikbann eftir að hafa fengið rautt spjald gegn Val. Óskar Elías Zoega Óskarsson er þjálfari ÍBV í dag.

Það er ein breyting á liði KR sem vann Þór 5-2 í síðustu umferð. Stefán Árni Geirsson sest á bekkinn og Alexander Rafn Pálmason (2010) kemur inn. Alexander varð árið 2024 sá yngsti í sögu efstu dieldar til að spila í deildinni. Það vekur athygli að það eru aðeins sex af níu mögulegum varamönnum á bekknum hjá KR.