„Óendanlega ánægður með stóran hluta leiksins," voru fyrstu viðbrögð Jóns Óla Daníelssonar, þjálfara ÍBV, eftir 3-2 sigur liðsins í kvöld.
Lestu um leikinn ÍBV 3 - 2 Keflavík
„Við gerðum þetta dálítið spennandi í lokin en heilt yfir voru þetta vægast sagt sanngjörn úrslit, ég veit ekki hvað við brenndum af mörgum færum í þessum leik."
ÍBV hefði getað verið yfir í fyrri hálfleik en færanýtingin var ekki nægilega góð.
„Við áttum að klára leikinn í fyrri hálfleik en eins og sumarið hefur var fyrri hálfleikurinn svolítið stöngin út. Sem betur fer náðum við að klára þetta og tökum það með okkur í næsta leik."
„Eru ekki allir þjálfarar mjög hamingjusamir þegar þeir sigra knattspyrnuleik?" Endaði Jón Óli viðtalið á.
Viðtalið í heild sinni má sjá efst í spilaranum.
