5. deild: Skoraði þrennu og kom RB aftur á sigurbraut - Smári á toppnum

Leonardo hefur verið sjóðandi heitur með RB á tímabilinu og hélt uppteknum hætti með þrennu gegn KB.

Hann skoraði tvö mörk með aðeins mínútu millibili undir lok fyrri hálfleiks og fullkomnaði þrennuna seint í leiknum. Leonardo er þar með kominn með 14 mörk í deildinni og er markahæstur í B-riðli.

RB komst aftur á sigurbraut og er í þriðja sæti með 16 stig, sex stigum frá toppliðinu. KB situr sæti neðar með 15 stig en þetta var fyrsta tap liðsins í rúman mánuð.

Í hinum leik B-riðils vann Kría 5-1 stórsigur á KM. Kristófer Melsted skoraði tvívegis fyrir Kríu, sem fagnaði sínum fyrsta sigri síðan 18. júní.

Kría er í sjötta sæti með 14 stig en KM situr á botninum með sjö stig.

Smári vann síðan 6-2 sigur á Þorláki í eina leik A-riðilsins. Ýmir Halldórsson skoraði tvívegis fyrir Smára.

Mikil spenna var í fyrri hálfleik. Smári komst í 2-0 en Þorlákur svaraði með tveimur mörkum og jafnaði áður en flautað var til hálfleiks. Smáramenn tóku hins vegar öll völd eftir hlé, skoruðu fjögur mörk og fögnuðu öruggum sigri.

Smári trónir á toppnum með 28 stig en Þorlákur er í fjórða sæti með 14 stig.

Þorlákur 2 - 6 Smári
0-1 Gunnar Breki Myrdal Gunnarsson ('13 )
0-2 Julian Ingi Friðgeirsson ('35 )
1-2 Ingvar Óli Sigtryggsson ('37 )
2-2 Sigurður Dan Óskarsson ('41 )
2-3 Skarphéðinn Haukur Lýðsson ('55 , sjálfsmark)
2-4 Kristján Gunnarsson ('80 )
2-5 Ýmir Halldórsson ('85 )
2-6 Ýmir Halldórsson ('86 )

B-riðill:

RB 3 - 0 KB
1-0 Leonardo Norbert Mitruscsak ('42, víti )
1-0 Leonardo Norbert Mitruscsak ('43 )
2-0 Leonardo Norbert Mitruscsak ('78 )

KM 1 - 5 Kría
1-0 Karabo Mgiba ('30 )
1-1 Hannes Ísberg Gunnarsson ('60 )
1-2 Ingi Hrafn Guðbrandsson ('66 )
1-3 Kristófer Melsted ('74 )
1-4 Aðalsteinn Örn Ragnarsson ('80 )
1-5 Kristófer Melsted ('90 )