„Ég veit ekki alveg hvað ég á að segja, ég er eiginlega orðlaus," sagði Maggý Lárentsínusdóttir, leikmaður FH, eftir 3-5 tap gegn Haukum í Inkasso-deild kvenna í kvöld.
Lestu um leikinn: FH 3 - 5 Haukar.
Lestu um leikinn: FH 3 - 5 Haukar.
„Ég veit ekki hvar við vorum fyrstu tíu mínúturnar, þær voru allaveganna ekki hérna á vellinum. Þær jörðuðu okkur fyrstu tíu. Við rifum okkur í gang eftir þrjátíu mínútur."
„Við töluðum um að halda haus og halda áfram þegar við komum saman eftir fimmta mark Hauka, leikurinn er 90 mínútur plús, við reyndum og reyndum."
„Ég hélt allan tímann að við myndum klára þetta en fjórða markið kom ekki."
„Það er bara upp með hausinn og klára leikinn gegn Þrótti og koma okkur þar með upp um deild."
Stuðningsmenn beggja liða fjölmenntu í kvöld og myndaðist góð stemning í Krikanum.
„Frábært að fá þennan stuðning. Þetta var æðislegt, fyrirgefið að við gáfum ykkur ekki meir."
Viðtalið í heild sinni má sjá í spilaranum hér að ofan.
Athugasemdir
