FH náði í dramatískan sigur gegn toppliði Vals í næstsíðustu umferðinni í Pepsi-deild karla í dag. Eddie Gomes skoraði sigurmarkið í uppbótartíma en Gunnar Nielsen, markvörður FH, fór meðal annars upp í teig í hornspyrnunni. FH ætlaði að gera allt til að vinna leikinn.
Lestu um leikinn: FH 2 - 1 Valur
FH og KR eru jöfn að stigum fyrir lokaumferðina. Þessi lið eru að berjast um fjórða sætið sem gefur þáttökurétt í Evrópukeppni á næsta tímabili.
„Ási sagði mér að það væri jafntefli í KR-leiknum og mér fannst eftir þetta mark sem við fengum á okkur að ef við myndum setja þrýsting að þá myndi eitthvað detta fyrir okkur. Þetta var geggjað," sagði Ólafur Kristjánsson, þjálfari FH, eftir leikinn.
„Í fyrri hálfleik vorum við órólegir á boltann en áttum þó skot í stöngina. Við pressuðum illa, vorum að fara of mikið afturábak í staðinn fyrir að fara áfram."
„Við pressuðum betur í seinni hálfleik og fundum betri sendingarleiðir. Þannig náðum við yfirhöndinni í leiknum."
Viðtalið er í heild sinni hér að ofan.
Athugasemdir
