Tottenham í viðræðum um Skriniar - Milik möguleiki

Fabrizio Romano, sérfræðingur þegar kemur að félagaskiptum, greinir frá því á Twitter í gærkvöldi að Tottenam væri að skoða leikmenn til að styrkja hópinn.

Romano segir að Tottenham sé að skoða að fá Milan Skriniar, miðvörð Inter. Jose Mourinho er sagður mikill aðdáandi. Inter vill fá 60 milljónir evra fyrir Skriniar.

Þá segir Romano frá því að Tottenham hafi verið spurt hvort félagið hefði áhuga á Arkadiusz Milik, framherja Napoli. Viðræður Roma um kaup á Milik hafa runnið út í sandinn og því gæti hann farið til Englands.

Romano segir að Tanguy Ndombele muni ekki fara í skiptum fyrir Skriniar til Inter og segir Ruben Dias, leikmann Benfica, einnig vera á blaði hjá Tottenham.