Fotbolti.net
24.01.15 - 10:10
Magnús Már Einarsson

Guðmundur Þórarinsson til Nordsjælland (Staðfest)

Gummi Tóta.

Gummi Tóta.

Canon

Mynd: Instagram

Ólafur Kristjánsson, þjálfari danska úrvalsdeildarliðsins Nordsjælland, hefur krækt í fjórða íslenska leikmanninn til félagsins en Guðmundur Þórarinsson er kominn frá Sarpsborg í Noregi.

,,Mjög ánægður með að hafa skrifað undir þriggja og hálfs árs samning hjá FC Nordsjælland,\" skrifaði Guðmundur á Instagram síðu sína í dag.
Guðmundur er 22 ára sóknarmiðjumaður en hann lék lykilhlutverk með U21-landsliðinu í síðustu undankeppni og var í A-landsliðshópnum gegn Kanada nýlega.

Hann er uppalinn hjá Selfossi en lék með ÍBV í Pepsi-deildinni áður en hann fór í atvinnumennskuna til Noregs.

Fyrir hjá Nordsjælland eru markvörðurinn Rúnar Alex Rúnarsson, bakvörðurinn Adam Örn Arnarson og sóknarmaðurinn Guðjón Baldvinsson sem kom til Nordsjælland frá Halmstad í Svíþjóð.

Hér að neðan má sjá viðtal við Guðmund af heimasíðu Nordsjælland.

Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.