Guimaraes, Isak, Kimmich, Diaz, Branthwaite, Mainoo og fleiri góðir í slúðri dagsins
   sun 24. mars 2019 10:12
Elvar Geir Magnússon
Pistill: Pistlar á Fótbolta.net eru viðhorf höfundar og þurfa ekki endilega að endurspegla viðhorf vefsins eða ritstjórnar hans.
Kunnugir staðháttum
Elvar Geir Magnússon
Icelandair
Birkir Bjarnason og Arnór Ingvi Traustason fagna eftir sigurinn gegn Austurríki á Stade de France.
Birkir Bjarnason og Arnór Ingvi Traustason fagna eftir sigurinn gegn Austurríki á Stade de France.
Mynd: Fótbolti.net - Hafliði Breiðfjörð
Byrjunarlið Íslands í leiknum í Guingamp.
Byrjunarlið Íslands í leiknum í Guingamp.
Mynd: Fótbolti.net - Daníel Rúnarsson
Stade de France, heimavöllur Frakka.
Stade de France, heimavöllur Frakka.
Mynd: Fótbolti.net - Hafliði Breiðfjörð
Íslenska landsliðið mætti til Parísar í gærkvöldi, eftir að hafa æft fyrr um daginn í Andorra og borðað í Barcelona þaðan sem flogið var.

Heimsóknin í borg ástarinnar verður mjög snörp því æft verður á keppnisvellinum, Stade de France, í dag og leikurinn fer fram annað kvöld.

„Það er allt klárt fyrir Frakkaleikinn," sagði Freyr Alexandersson, aðstoðarlandsliðsþjálfari, eftir sigurinn gegn Andorra. Hann var kátur með að sá leikur spilaðist algjörlega eftir uppskrift og hægt var að hvíla lykilmenn fyrir baráttuna gegn heimsmeisturum Frakka.

Lágmarkskrafa í þessum landsleikjaglugga var að ná í þrjú stig. Það er búið að haka við það og leikurinn gegn Frökkum skráist sem 'bónus'.

Íslenska landsliðið hefur náð mörgum fræknum úrslitum í gegnum tíðina, lið okkar er reynslumikið og nýtur sín oftast best gegn sterkum andstæðingum. En heimsmeistararnir þurfa augljóslega að eiga slæman dag til að við eigum möguleika á morgun, þetta veltur nefnilega ekki bara á okkar liði.

Flestir í landsliðshópnum þekkja Stade de France mjög vel. Þarna skoraði Arnór Ingvi Traustason sigurmarkið gegn Austurríki í blálokin og skaut okkur í leik gegn Englandi á EM. Þvílík stund sem það var! Eftir að hafa sigrað England töpuðu okkar menn svo 5-2 gegn Frökkum á vellinum í 8-liða úrslitum.

Ísland hefur þrettán sinnum mætt Frakklandi og aldrei náð að sigra. En fjórum sinnum hefur niðurstaðan verið jafntefli, úrslit sem væru kærkomin á morgun!

Mönnum var heitt í hamsi þegar liðin gerðu 2-2 jafntefli í vináttulandsleik í október. Ísland var nálægt sigri en eftir að lykilmenn voru teknir af velli, og Frakkar settu inn Kylian Mbappe sættust liðin á skiptan hlut í Guingamp.

Til að fá smá nostalgíutilfinningu og hita upp fyrir komandi landsleik mæli ég með því að hlusta á Miðjuna þar sem Arnar Daði spjallaði við Rikka Daða og Rúnar Kristins og rifjaði upp gamlar viðureignir gegn Frakklandi.

Það var gaman að sjá Erik Hamren brosandi á fréttamannafundi eftir leik gegn Andorra. Sigurinn sem hann hafði beðið eftir kom loksins. Brosið verður enn breiðara ef stigin úr glugganum verða fleiri en þrjú.
Athugasemdir
banner
banner
banner
banner