Úlfa Dís Kreye Úlfarsdóttir.
Fyrir leik hjá Stjörnunni á síðasta tímabili.
Úlfa Dís Kreye Úlfarsdóttir er stjarnan í liði Stjörnunnar fyrir komandi tímabil í Bestu deildinni. Það telja margir að Úlfa Dís verði einn besti leikmaður deildarinnar, ef ekki bara sá allra besti.
Hún verður í eldlínunni á eftir þegar Stjarnan mætir Víkingi í fyrstu umferð Bestu deildarinnar.
Hún verður í eldlínunni á eftir þegar Stjarnan mætir Víkingi í fyrstu umferð Bestu deildarinnar.
Úlfa hefur alla burði til að vera einn besti framherjinn í þessari deild. Hún verður samningslaus eftir tímabilið og hafa heyrst einhverjar sögur um framtíð hennar, en er einhver möguleiki á því að hún verði seld áður en glugginn lokar núna?
„Það kæmi mér á óvart," sagði Arnar Páll Garðarsson í Uppbótartímanum og spurði Magnús Haukur Harðarson þá: „Hvað ef Valur kæmi með 5 kúlur á borðið?
„Ég var hluti af þjálfarateymi Stjörnunnar í fyrra og Valur bauð háa upphæð í hana. Stjarnan tók það ekki í mál. Ef það á að gera betur en í fyrra - það hlýtur að vera einhver ástæða fyrir því að það er sótt nýtt þjálfarateymi - þá hlýtur að eiga halda þessum leikmanni. Það kæmi mér stórkostlega á óvart (ef hún verður seld) og ég sé ekki tilboð koma frá neinu öðru félagi en Val upp á svona fjárhæð."
Getur hún verið best í deildinni? „Alveg 100%," sagði Arnar Páll „Fyrir mér er hún einstakur leikmaður. Hún er einn af þeim leikmönnum sem brýtur upp deildina. Það á allt að snúast um þennan leikmann þegar kemur að sóknarleik Stjörnunnar."
Hægt er að horfa og hlusta á þáttinn í heild sinni í spilaranum hér fyrir neðan
